حبيت ...
والحب مشكلة سهران ليلي معلكَ
ومن اسمه ابالي يمر تحضرني عبرة واشركَ
اشتردون اضمن بالحجي لو احجي طكَ بطكَ
حلوة ساعات العشكَ ... مناغة ومسامر فشكَ
من اذكر اسمه انا انشده وياخذني روجة اعلى الراكَ
وارجع واغط بجزرته واتخطى يم العشاكَ
وتاخذني حسبات الوكت وابكَى اطوف بحضرته وكل ساعة تنعد فراكَ
موش العشكَ بوست حلكَ ولا ملكَة ومحاضن شبكَ
تسمحلي افهمك بالعشكَ ؟
روحين ينطبكَن طبكَ
هذا العشكَ ... مو كل شعر يرهم فركَ
وما ضن غزال الينسبكَ
احجيلكم صدكَ الصدكَ... تدرون احب من بالخلكَ ؟
انا اعشكَت سبط الرسول . انا اعشكت ابن البتول
الما عشكَهم يحتركَ... وبنص جهنم ينرشكَ
بس الهم يلوكَ العشكَ
هذا العشكَ مو كل عشكَ
-----------------------------------
هناك ٦ تعليقات:
العزيز الشاعر ابو الفرزدق الخير الله
كنت ولازلت تحمل العراق هما وجرحا معك اينما رحلت وانا وانا شريكك في هذا الجرح .
امنياتي لك بكل خير
طالب الدراجي
قصيدة جميلة جداااااااا
النه الفخر ياعراقي يااصيل
جيهان الطائي / العراق / الناصرية
سمه تعالى
تحيه لكم والى كل من يعز عليكم من كل العراق والناصريه الحبيبه (ناصريه)
النون ـ ناي ابنبرته دجله وفرات اوبالحضن غرافهن يتبطر
الالف ـ ادم مصدره بتراب كاعج خضر
الصادـ صوتج ما خمد صرخة فدائي وكبر
والراءـ ريع ابكل وكت لرض الوطن هي مصدر
والياء ـ ينبوع انفجر ضد الكفر لليوم ينبع يشغر
والهاء ـ همسه بكل شعر مثل النجم ويه الكمر من يضهر
وصفتج ابهذا الوصف يكفيني بسمج افخر
يالناصريه اشاوصفج حتى الوصف يتحير
شكرا لتواصلكم معنا جيهان والسلام عليكمورحمته وبركات .
السلام عليكم
اتمنى ان يصلنا منكم كل جديد
وانا من النوع الذي يحب الشعر الذي يكتب عن الوطن والحنين له
على الرغم انني اعيش في وطني العراق العظيم
جيهان الطائي / العراق
بسمه تعالى
الاخ الفاضل جيهان المحترم
السلام عليكم
العمل يخذ مخذه منا في الغربه ولكن ابناء الناصريه يدروا فيهم الشعر ادرارا فقصائدي كثيره والوقت لا يسمح
ان شاء الله اوعدك نشرها تحياتي لك ولمن يعز عليك من ابناء بلدتي الحبيبه الناصريه . علما ولادتي وسكني الرفاعي ...
سدني اشكد جميله اوبيها حسن الكون
بس ما توصل الشطره وضواحيها
اولتكلي غلط لا والله موغلطان انا الراضع الدهله شلون اجافيها
يضل عندي الرفاعي العين بالراس ويضل كلمة حنان ابكل معانيها
اولون كفت الكون انساوي بغداد احس الكون ذره وبيدي اذريها
وفي الختام تقبل تحياتي .
من كَدل مامعدل كلها داخت بيك..
وعجيبه شلون بلسم دوخ المرضه
ربك حط حسن يوسف وداره اعليك..
وجماله قميصه مشكَكَ تعرضه
ولان بالجاذبيه الكون كله ايدور..
مركز جاذبيه ابشخصك لارضه
لذلك داخت العالم وهامت بيك...
يس اتمر تجيك اعقولهم قرضه
.....
الشاعر ماجد العتابي
إرسال تعليق