نوح ياكلبي بالــــم ونعه الصدر ... اولايجف دمعك عليه اتبطله
ذوله قدوه ومدريه وهمه الحياة ... ذوله منهج عامر الكل عائله
ذوله تاريخ البنوه وسط العراق ... عامر او ماظن حكومه تبدله
ذوله آل الصدر انجاز او عطاء... ذوله ثروه الكل شعب والكل مله
حكي من انحب ونوحن هالفقيد... وحزن ابكل عام ونعاه وي هله
ياعراق الصدر حي لاما يموت... وليكلك مات جذب المســـأله
يبقى بينا ايخضر ارجال الثقاة ... ويبقى بينه اويالصلاة انرتله
ويبقى حجه الاخر ايام الحياة ... علم شامخ ما تهزه المعظله
الصدر ثوره وحققت اجمل صفات ... واصبحت بركان وي كل مرحله
حكه اليفهمك يكت دمعه عليك ... وحكهه شيعتنه بوداعه مهدله
حتى دنيانه بجة تنحب عليك ... ياشريف الذات يبن المرجله
ياصدر لبس الجفن يعني الكثير... وانت ما باليت لاكلبك بله
انت من زغرك جنت طب او طبيب ... وحبك الباري اودعاك المنزله
اورحت محبوب اوتلاكه اويالحبيب ... وجنة الفر دوس صاحت ياهله
عرس ذاك اليوم بـــس عدنه حزن ... غبت ورجالـــك ضحايه مكتله
بالصــــــــدر بغداد وكفولك رجال ... اوصوتك الماطاح ازداد اعتله
شــــــــنهو دببابات هنياله اليموت ... وآنا بعيوني شــــــــفته مجندله
راح الله يرحمه هنياله شـــــــــهيد ... وينوخذ ثاره بضعف من قاتله
اوينوخذ ثاره بضعف من قاتله
ليست هناك تعليقات:
إرسال تعليق