| فصائد متناثرة للوطن الجريح |  |  |  |
| كتبها Administrator |
| الثلاثاء, 19 مايو 2015 10:03 |
ليث الخير الله
لا تعذر بشر خل الشعب حايوز ... يوم اوينتفض ما يقبل بذلك حكام الكراسي الكرسي غر اهواي ... ما فادة الگبلك توگع إنگلك طير انت شتطير وعلة فوگ وفوگ ... تحط لا بد تحط بالمشنقة انتلك لان بگوان الفقير وفقره ظل اوياه ... ينام الليل خايف من يمر ظلك *********** كافي من الحزن اگضي العمر بحلام ... اخلص أنا عمري مواطن الخرسه اي سامع وطن اي اي وطن ينباع ... حتى ابذل جهود وأشتري المرسه خليني بغربتي افهم الناي شبيه ... وليس اليغترب يتعالج بحسه بعدك ياوطن خلف اجروح هواي ... أشد جرح ابجرح ثاري الجرح نفسه يطگ اجروح بيه تخضر آهات ... ومتى الآهات بينه تصير ونسه متى ايصير الوطن للساكنه أعياد ... ومتى أعياد الوطن ايصير سلسه اريد اعتب عتب عالبرلمانين ...وريد الصوت يوصل الهم ونفسه العراق اختاركم ومنكم المفتاح ... الشعب هذا عريق او يرفض النكسه ضحايانا امتلا بيها الشوارع ليش ؟؟؟ وليش الليل باگ امنالفجر ضرسه العراق الموت واجب لا تهم بالموت ... بيك الحق يطوف ورايته شرسه وبيك انت إندفن حيدر علي الكرار ... يعني الكون كله حيدر ايحرسه اذاً تبزغ شمس ويهل گمرنه ردود ... ويشع بالكون نور ونوره من شمسه
***********
وتسمع ابمرتك تصيح وتستغيث ،،، حيهم اخواني احترگ وجداني آنه رأئي الموت أحسلك يكون ،،، وبموتة العز يرتفع إيماني ما يخوفني أنا داعش من يكون ،،، وانا ازامط بيكم إنتوا خواني العراق اليوم يبچي على الرجال !!! والرجال أنتم وبنكم آني
************
عشعش ليل عدنه وخلف ابطون ؛؛؛ ألفت لينا الحيايه الرگطه كلها مشه بليس بشوارع ارض بغداد ؛؛؛ اويظن ايعاشر الوادم يخلها يا شيطان ارحل مالك امچان ؛؛؛ ارض بغداد تتباها بأثلها اذا عازم عزم او عندك اصرار ؛؛؛ جربت السنين او شفت املها مالك كل محط ويانه ملعون ؛؛؛ بعيد اولا تظن غيره تذلها أهل بغداد رغم الوانها هواي ؛؛؛ وجمال اللون من يلتم شملها اذا غيمت دنيا وينزغ النور ؛؛؛ يهل قوس القزح تبيان اصلها زهيه ابلادنا ويعاود الخير ؛؛؛ او ولا عله تظل نمحي عللها
***********
للحشد أرد استعد وأخذ تحيه تنكب اسلاح أنا اوگف ونحني بروحي الابيه أني صح الجسد يمكم بس وحق حيدر علي (عند الله) روحي ظلت غاد يمهم اسأل اديالى عليه روحي من تسألني وين ؟ أنا گلكروحي برض الناصرية وإني من فتحت عيني عالمواضع والربيه آني من فوج الصدر أني من فيلق بدر آني من كل الأحزاب آني من حزب الفقير الينتظر راحه وسعاده وينتظر نومه هنيه للحشد تاريخ واضح سجل اكتب مو سوالف بربريه تاج البس يا عراق ذوله ولدك ذوله زلمك ذوله حطهم مزهريه ذوله تربات النشامه هم ذوله الحيدريه هم ذوله ارجال او نعم الرجال هم ذوله اصحاب نخوه هم أهل غيره وحميه الحشد غيرة عراقي وبيه عطر الغاضريه داعش فواحش ولفهم ولي كونهم ودزهم والبعد يتبع أثرهم ويه اسم الحشد تخمد من تثور البندقيه من مدافعنه تهلهل ارجال عدنه تصول تقتل والمنافق موته مقبل والنصر انه هديه من محمد وآل بيته واضحه ورب البريه ياالهي انصر شعبنه ياالهي احفض وطنه ياالهي أنريد اهلنه كل اهلنه البالعراق رآيه وحده وعلم واحد والنصر رفرف بديه هاي هيه وذيچ هيه ... استعد للحشد اي للحشد حتماً استعد وأخذ تحيه
***************
دمع الأيتام
الي دمعت حزن تغسل اذنوب الكون --- والي هضم العراق ودمع الأيتام شخص صدام راح وگلنه نرتاح --- ورجع حكم القصاص بألف صدام مگالب بالحكومه إنگوم ونطيح --- وحكومتنا دغش والبعض اصنام فقير البالشعب كل عمره مسكين --- ويبني اقصور بس اقصور احلام يظل شعب العراق ايعيش آهات --- ويظل ابن النفط يتغده اوهام متى بغداد تصبح خيمه للناس --- ومتى الناس ابفرح من تبصم ابهام تعال اوياي خل نجرده الاسنين --- تره حكم الظلم لو طال هدام أقصدك يالي گاعد بالحكم غاد --- تره بلادي غني والشعب ذرغام ما يسكت على الجوع الصنعتوه --- ولا يقبل الذله وحاد صمصام احذر احذر البالقياده الشعب راعوه --- ترى الأيام حبله وتطلگ بجام گلك شخص صدام راح وگلنه نرتاح --- رجعتوا انه بحكم بيه الف صدام چان الموت غفله وهسه آلاف --- وعنده بيوت هسه انام بخيام شراي البالحكومه انعيش عالموت --- ودواعي بالسجن ما مرهم إعدام حقيقه والعمل هذا التسوه --- شوه دينه . دين الله الاسلام سلاماً يا وطن منا سلامات ... *********** داعش ... صبراً ياعراق أتحمليت هواي /// وعلى صبرك دول منك خذة عبره خل صبرك يطول بطول صبر ايوب /// يا نخوة الضيج وبالمحن خبره أنا عيوني ألك ها يا عراق الخير /// بس ادري الوطن يحتاجنه أنصره أوصلك زحف لو طاحن الرجلين /// واگف لمن اسمع هلهلت سمره أنا صوت الجنوب ونخوة الطيبين /// أنا ابن العراق ألما رخص عمره بس يرخص ألك يا موطني ولولاك /// ما ينباع دم وغاليه الگطره ومن صارت صبح وشرقت شمس الكون /// طلباني الخبر بالموصل الغدره صفگت أنا على چفي وصحت لا يا حيف /// وين ازلامنه البلموصل الحره شلون اشلون داعش تطب للطيبين /// گومونه انتحزم نطرد الزمره منو داعش ؟؟؟ منو داعش بشر لا مو بشر غربان ... منوا داعش بشر لا مو بشر جرذان ... ولن ثورة شعب ملهوف هب الدواعش ايگبره وصدح صوت الفتاوي انعلنت على اسباع /// شوف اشصار ذاك اليوم حار الشعر شيصوره حار الشعر شينثره ابن الخيرالله ابو الفرزدق Www.abnalkhirallah.blogspot.com |
