كل عام اليمر عاشور

الشوط الكربلائي

كل اليمر عاشور--- حزنك بينه يتجدد 

 

نذرفلك دمع وآ هات --- ويخيم ظلام اسود

 

انا وكلمن حضر هاليوم --- نعاهد سيدي ونشهد

 

نشهد سيدي مظلوم  --- واظل بينا تتخلد

 

نخلدك عاشك ومعشوك --- وحبنا على العشك ازود

 

نهجك ما نكف عنه --- من الزغر يتردد

 

نشيد امي التلولي بيه --- نهج حسين  يالمسعد

 

من زغري رضعت هواك --- ودر ويه الرضاعه امتد

 

دليل امنالبعد نبجيك  --- حزن بحزن ما يرتد

 

ومن اخر جزر دنياك --- لبس الاسود اتوحد

من سدني لطمنا صدور

منالغربه لطمنا صدور --- ردات ونعوك اشكد 

 

عهدا سيدي مولاي --- وحق الواحد الاحد 

 

ثارك وي رفيف العين --- وسط الين من تنسد 

 

راياتك علن بالروح --- كل يوم والك مشهد 

 

مشايه انتعنه نروح --- رغم الموت يتوعد 

 

ماهمنه اليكول ايكول --- شيعه وما يكعنه الحد 

 

طافة بيه روحك طوف --- خادم انا للمرقد 

 

لعلي بخدمتك مولاي --- انجه وبالحشر اسعد 

 

لنحب والدموع اسيل --- وبجيك بكلب مشتد 

 

ودري الزهره ويانه --- بت طه النبي احمد 

 

تحضر يوم عاشوراء --- متكبعه بحزن اسود 

 

تلاكي الي يزور احسين --- ثار حسين مايبرد

 

ياشيعة علي الكرار ---  بيوم الحشرالكم عد

 

من واله الشهيد حسين  ---  زاره وبالكبر اكد

 

الباري ايكرمه الجنه --- والثاره نعد العد

 

مر بينه الالم والاه --- وعداك اصبحت تشتد

 

حا يحسين ومصابه --- يظل لا خر زمن وبعد

 

كل عام اليمر عاشور --- حزنك بينه يتجدد

 

 

خادم الحسين  (  ابو الفرزدق الخيرالله  )