( حمد )
زغير احمد ربا بلوعاته مكدر
زغير وعاند ويالظيم شل جرحه وحده وسافر
ترك نوم الضهر للغير شد احزام حيله اببخت وتصدر
يتيم ابلا وطن لا ام ولا والد عليه يسر
عنيد احمد !!!
ولا طخ راس لو وكته تراده وذبه مهجر
حمد انت حمد يحمود يالكلبك وسيع شما حمل دفتر
زمز صير القضيتك بالغرب يحمود ...
دج وكتك اذا عاند وياك او مارخه وشمر
هلك كلنه هلك يحمود شويلات العراق تصيح ماننساك يمقدر
يلن بيك الوفه مزروع وحبك للايمه منالكلب مصدر
حمد نيشانك المعروف حب حيدر علي الكرار هذا البالحشر معبر
حمد يارمز للغربه *** حمد لا مانسه التربه
حمد ماضيع ابدربه *** حمد ابكل وطن يربه
حمد ماخالفه لربه
حمد السمج ابلا ماي سامع فد وكت يربه
حمد احنه التركنه دجله والغراف وضل وحده الفرات ايواكح الغَرْبه
حمد اكطع نفسها الروح لو دكات كلبك ميت الف ضربه
حمد تدري النخل ايموت لو ما يلف بكربه !!!
حمد وحنه نموت انموت لوجفينه ماي احبوبنه وكسرنه الشربه
حمد موكلمن اتخاويه مرضى هواي سيف ابيمنته وبيسرته الحربه
حمد دج اليضدك غيض خله بغيضه يتفجر
حمد لا تتعب ولتجل ضل انت امان وخير يا منثر
يريع وحاصلك عنبر *** وفه كلك وفه واكثر
محبه امنالكلب تنعر *** كصيل بوجنتك خضر
والك اكثر
الك اكثر
الك اكثر
حمد احذر زمان اليوم صحبت هالوكت سجين لو طبر
واذا رافكك واوي وذيب لوعاتك هواي شما ضحك خنزر
حمد ادحر الموت ابعيد خل لعداك يتصدر
حمد عيش بهنه بدنياك وحسب ينطرك محشر
حساب النار والجنه واجمل ما حوت كوثر
وبعد اكثر
بعد اكثر
حمد _ حمد _ حمد
شوباش وكتك هيل مفتاح السعاده بخاتمك كشر
حمد زفلك فرح للروح وعقدلك زواج وبيه تتيسر
وعقدلك زوج وبيه تتيسر .
ابو الفرزدق الخيرالله
ليست هناك تعليقات:
إرسال تعليق