زجي يادنيه بهوى حب للحبيب
وغذي حبي للنبي وعياله
ومرحبي لومر هوى وهز النخيل
حبهم اومنغير حبهم لاله
ابتدي بحيدر امام المسلمين
الذيج كَبته امنالبعد تتلاله
ونظر العادوه وين امعاويه
كَبره خاوي والترب هياله
وسير ياعشكَي بهوى نجله الحسن ع
وسير على حسين والخياله
اودني للسجاد لوصحلك طريق
اوللامام الباقر ابكل حاله
عيش وياهم عشكَ حب للحبيب
ارضع الحب جيله بالمجياله
يظهر الصادق شمس آل الرسول
سرهم اوهالسر شمس تتعاله
وخذ موعد ويه كاظم غيضهم
عنبر بكَبته ومســــج يتوآله
اولو يهزك شوكَ اهلك والحنين
عيش بحضان الرضا اجمل حاله
وانظر ابنور الجواد اوبالجبين
ايفيض دومه اومايجل شلاله
ياعشكَ ارجوك وجدلي الحبيب
وهتدي اويالهادي عيش آماله
وغازل بحبك نجاتي العسكري
طيف حبك روحي ليه مياله
انت عن موعد عشكَ آل الرسول
ياكَلب شـــــو دمعتك هماله
منهو هذا الي حصد زرعك كَصيل
حب علي هو الصبح شتاله
انا حبيت اوعشكَت المنتظر
وحكَكم اتكَولون الف هنياله
مغرم اوذايب بحب آل الرسول
والرسول ابحبي هو وآلــه
والرسول ا بحبي هوه هو وآله
ليست هناك تعليقات:
إرسال تعليق