ألوآن بغداد

ألوآن  بغداد

متى بغــداد تصحى اوارجع الها  *** ومتــى تنــام بأمان عيون اهلها

عشعش ليل عدنه وخلف ابطون ***  اولفت لينا الحيايه الركطه كلها

مشه بليس بشوارع ارض بغداد  *** اويظن ايعاشــــر الوادم يخلها

ياشـــــيطان ارحل مالك امجان  ***   ارض بغداد تتــــباها بأهلـــها

اذا عازم عزم او عندك اصرار  ***   جربت الســنين اوشفت املها

مالك كل محــــط ويانه ملعون   ***  بعيد او لا تضن غــــيره تذلها

اهل بغداد رغم الوانها هواي   ***   جمال اللون من يلتم شــــملها

اذا غيمت دنيا ويبزغ النور    ***    يهل قوس القزح تبيان اصلها 

زهيه ابلادنا ويعاود الخير     ***     اوولاعله  تظل نمحي عللـها

*****************************************

ابن الخيرالله  ***  ابو الفرزدق